ക്രൈസ്തവ ജീവിത ശൈലിക്കൊരു ആമുഖം...(ലൂക്കാ 6, 27-36)
മാനസാന്തരപ്പെട്ട് സുവിശേഷത്തിൽ വിശ്വസിക്കാനുള്ള ക്ഷണത്തിനുള്ള ശരിയായ, ക്രിയാത്മകമായ പ്രത്യുത്തരം ഇന്നത്തെ സുവിശേഷഭാഗം നമുക്കു വ്യക്തമാക്കിത്തരുന്നു. സുവിശേഷത്തിലുള്ള അധരം കൊണ്ടുള്ള ഏറ്റുപറച്ചിലല്ലത്, മറിച്ച് സുവിശേഷാനുസൃതമുള്ള സാക്ഷ്യജീവിതമാണ്. ഇത് പ്രായോഗികമായ ഒരുജീവിതമാണോയെന്നു സംശയിക്കുന്നവന് വി. ലൂക്കാ സുവിശേഷകൻ ക്രിസ്തുവിൻറെയും ആദിമ ക്രൈസ്തവരുടെയും ജീവിതങ്ങളെ സംക്ഷിപ്തമായി അവതരിപ്പിക്കുന്ന ക്രിസ്തു പഠനത്തിലൂടെ വ്യക്തമാക്കുകയാണിന്ന്. ക്രിസ്തു മൂല്യങ്ങൾക്കനുസൃതമായ ജീവിതം ഇന്നും എന്നും സാധ്യമാണ് അവയോടനുബന്ധിച്ചുള്ള ത്യാഗങ്ങളെ സ്വീകരിക്കാൻ നാം എളിമയോടെ തയ്യാറായാൽ. ഈലോകത്തോട് അനുരൂപപ്പെടാതെ ക്രിസ്തുവിൽ നവീകൃമായ മനസ്സാക്ഷിയാൽ ജീവിക്കാൻ നമുക്കു ചുറ്റുമുള്ള കള്ള നാണയങ്ങളിലേക്കല്ല, മറിച്ച് ഹെബ്രായ ലേഖനം പറയുന്ന സാക്ഷികളുടെ ആ വലിയ സമൂഹത്തെ നോക്കി ക്രിസ്തുവാകുന്ന ലക്ഷ്യത്തിലേക്കു നീങ്ങാം. നമ്മെ പരിപൂർണ്ണനാക്കുന്ന ക്രിസ്തുവിൻറെ ആത്മാവ് നമ്മെ ബലപ്പെടുത്തട്ടെ.
No comments:
Post a Comment